بحب الدنيا تتغير
تسافر بينا وسط الموج
ويعلى الموج ونتأثر
ولكن بالحنين بنعود
ما بين حيرة ورغبة بعيد
بنفضل نبكى ونفكر
ما بين أشواقنا للفرحة
وبين الحزن فى قلوبنا
وبين رغبتنا فى التجديد
وانا واحد بعيش فى الحلم
وبحلم إنى يوم ما ألاقيك
ويوم ما اعرف ملامح ليا فى عينيك
هحس بإنى كنت زمان
بحب الدنيا تتغير
لأنى أكيد هلاقى أمان
هلاقى زمان نسى حلمى
هلاقى فرحتك بيا
هلاقى الجنة وألاقيك
فى يوم ما تقولى حبيتك
وإنك شايلة كل مشاعرك
على جزيرة بعيدة أكيد:
هخلى الدنيا دى سفينة!
وأشق البحر وأنسى الخوف
لأن عينيك هى أمانى
وزمانى
وزادى فى رحلتى ديا
ومهما الرحلة هطّول
هفكر فيك وأناديك
وأزين جنتى بيك
وهرفض إنى بعدك أقول :
بحب الدنيا تتغير
تسافر بينا وسط الموج
ويعلى الموج ونتأثر
ولكن بالحنين بنعود
ما بين حيرة ورغبة بعيد
بنفضل نبكى ونفكر
ما بين أشواقنا للفرحة
وبين الحزن فى قلوبنا
وبين رغبتنا فى التجديد
وانا واحد بعيش فى الحلم
وبحلم إنى يوم ما ألاقيك
ويوم ما اعرف ملامح ليا فى عينيك
هحس بإنى كنت زمان
بحب الدنيا تتغير
لأنى أكيد هلاقى أمان
هلاقى زمان نسى حلمى
هلاقى فرحتك بيا
هلاقى الجنة وألاقيك
فى يوم ما تقولى حبيتك
وإنك شايلة كل مشاعرك
على جزيرة بعيدة أكيد:
هخلى الدنيا دى سفينة!
وأشق البحر وأنسى الخوف
لأن عينيك هى أمانى
وزمانى
وزادى فى رحلتى ديا
ومهما الرحلة هطّول
هفكر فيك وأناديك
وأزين جنتى بيك
وهرفض إنى بعدك أقول :
بحب الدنيا تتغير
أحمد
4 comments:
جميلة يا أحمد
لكن الوزن وقع منك فى بعض شطرات
كمان شوية بتتكلم بصيغة المذكر وشوية مؤنث..
لكن معانيها جميلة والجزء الأولانى
موسيقاه مظبوطة
سلام عليكم
إزيك يا حنان .. نورت المدونة ..
بجد القصيدة عجبتك؟ .. أنا كتبتها من زمان ونسيتها حتى محطتش عليها تاريخ كمان .. بس هى من كام شهر كدا .. موضوع الوزن دا بصراحة انا محتاج أشترى ميزان .. قصدى يعنى أتعلم العروض بجد .. عموما بعتمد على السماع .. القصيدة كلها بصيغة المذكر بس أنا مش بحب أكتب "ياء" فى الكلمة الموجهة للغنثى حتى لو بالعامية .. زى مثلا " الاقيك" فيه ناس بتكتبها "ألاقيكى" .. بحس إن شكل الكلمة وحش !! بفضّل أكتبها كدا وممكن أحط كسرة تحت الكاف ..
شكرا على مرورك والحمد الله إنها عجبتك ..
سلام عليكم
جميلة جدا :)
وبغض النظر عن الياءات الكتيرة اللي زودتها وأنا باقراها ..ممتعة جدا وصورها حلوة اوي
تحياتي وعيد سعيد عليك وعل المدونة كمان:)
سلام عليكم .. أتارى المدونة منورة .. يامرحب يا مرحب .. الشاى يا وله.. أحم .. إزيك يا ايمان؟ .. بجد منورة القصيدة والمدونة كلها ..
بصى هو زى ما قلت لحنان .. سبب الياءات المحذوفة دى إنى فعلا بحس إن شكل الكلمة وحش .. يمكن سبب عجيب شوية بس أنا مقتنع بيه .. ولا هو يعنى عشان الموضوع يخص مخاطبة الإنثى هتعملوا ثورة عليا؟!!
ما علينا .. حيث إنكم جمهورى كله تقريبا مفيش مانع اغيرها عشان خاطركم بس .. دا طبعا لو طلبتوا أغيرها :)
وكل سنة وأنت(ى) طيبة وعيد سعيد عليك(ى) وعلى المسلمين كلهم ..
سلام عليكم
Post a Comment