فـــــرعــــون وكــــــــفــــــر وهـــــــرم :

      

                         فـــــــرعـــــون وكــــــــفــــــــــر وهــــــــــــرم

يخلص حجر .. من تقل شيله يتبنى .. أجمل هرم ..

لما الهرم بيكون دليل .. على شعب كان يمكن عظيم ..

ويكفروا .. من غير ما يمكن ينطقوا ..

بيكفرونى بالوطن .. لما الهرم .. يشهد على الماضى وبس ..

لما الهرم يبقى ذليل .. لحكومة ذلت أهلها ..

وبلدها عاشت ذلها .. مبقتش فاهم ..

من أمتى كفرى بالهرم ..

ينهى فسادهم أو يقولى .. إن إحنا يمكن مسلمين ..

لما يكون فرعون .. يحكم ولا يبنى هرم ..

رايح تكفر فى الهرم !..

إنطق يا صاحبى ..

إنطق وقول .. إن الفساد .. كان كفر فوق الكفر دين ..

لو إن واحد كان بيبنى .. إنت جاى بتكفره ..

هتقولى ايه على كلب كان قدام عنيك ..

قاعد حرام .. واكل حرام .. شارب حرام ..

من غير ما أنت تكفره .. هو والإجرام سواء ..

إنطق وقول .. إنه مجرم .. اه صحيح ..

والكفر كان هين أكيد .. بس الفساد ..

كان هو دين المجرمين ..

تقدر تقولى بكفره مين المستفيد ؟

واحد معاه .. قائد سلاحه ..

لو بس قال دول شرذمة .. يجرى عليك ..

يضرب فى عينك ..

ويقدمك .. قربان لسيده ..

فرعون بينطق كفر اه .. لكن بيتكلم بدين ..

كان هو دين المؤمنين ..

والسحرة يمكن روجوا ..

فراعين مبارك عمرهم .. طوّل أوى ..

والسحرة كانوا الكدابين ..

اللى شقوا الصف من قلب الميدان ..

إخوان صحيح .. لكن حقيقى مسلمين ؟

والضرب فى الإخوان عمالة .. تضرب ضعيف ؟

مش هعرف أبقى زيهم .. واحد خسيس ..

لكن بقول .. فرعون ده يبقى ربكم ..

وإنتوا اللى سيدتوه زمان ..

كان موسى رايح ينتصر .. وإنتوا اللى سلمتوه لهامان ..

وهامان يعيش .. والذل يبقى أكل عيش ..

فرعون خلاص .. بدّلوه .. فاضل هامان ..

واللى أعانه فى الخفا .. يقتل هارون ..

جه الدور عليه ..

عايزنى بس أعملك ايه ؟ ..

أدعى عليك .. وللا أرحمك ؟..

أنا بس هدعى ربنا ..يغفر أوى ..

وهفكرك .. إن موسى بيكرهك ..

وهارون ممتش .. بس كان ممكن يموت ..

من القهر يمكن .. من الخيانة ..

بس اللى مات ..يشبه هارون .. لألف موسى بينتصر ..

دلوقتى فرعون الجديد .. اللى كان جنبك هامان ..

لما كنت إنت زمان .. فرعون عبيط .. بيشمتنى فيك ..

أشمتله فيك ؟ .. وأفرحه ؟ ..

الرب يمكن يرحمك .. لكن بحب أفكرك .. وأفكره ..

إن موسى بينتصر .. وهارون معاه ..

وزى ما البحر أستجاب .. قادر يكون .. مقبرة ..

تبلع فى الفراعين الكتير ..

ونعود لنفس المشكلة .. موسى وهارون .. والعصى ..

ناقصنا ايه علشان تدور المعركة ؟ ..

مين إنتصر  ..

موسى وهارون .. والعصى ! 

 4 ديسمبر 2015 

ـــــــــــــــــــــــــــــــــــــــــــــــ

تلك هى المسرحية العبثية .. 

إذا ما كان الكاهن أخير .. 

فهل يمكنه أن يعيش .. 

نعم .. عندما يجد (كاهن أخير) مثله .. 

ربما تنشأ جماعة جديدة .. 

جماعة لا تخاف من رهبان (الماهيانا) .. 

أولئك الذين لا يحبون السلام .. أو التأمل .. 

ويبدو أن (جينغ ــ تشا) منهم .. 

رغم أنه يرتدى البيجامة الزرقاء ! 

هو لم يستطع أن يكون (زهرة زرقاء) .. 

أسم مؤقت (مايكل) .. 

تنويعا على أسم ميكال .. ميكائيل .. 

ميشيل .. ميخائيل .. 

لكنه على الدوام أسم فى كتاب مقدس ..  

وأنا أخترت أن أكون مسلما يا صديقى ميكال .. 

توقيع واحد قرفان من مصر ،،،